Мэдээ мэдээлэл

Тойм “Nisvanis”: 1999 оны “Хүчилтөрөгчөөр” амьсгалсан үдэш

Morgenrot Огноо: 2015-06-08 Сэтгэгдэл
11354453_842075515881024_696388805_o 2015 оны 6 дугаар сар 6 өдөр- 18:45   Үдээс өмнө эсвэл үдээс хойш гэдэг цагийн хоёрхон хэмжүүртэй онцлог ард түмний нэгэн болохоор 19:00 цагт эхлэх “Нисванис”-ийн “Хүчилтөрөгч” тоглолт үзэхээр “Gandan Live House”-т хоцросхийн очлоо. Танхимд Вовка нарын саунд инженерүүд, үйлчилгээний хэдэн ажилтнууд нааш цааш завгүй гүйлдэнэ. Мөн “Нисванис”-ийн 8-9 фенүүд байсны дунд уг хамтлагийн анхны соль гитарчин Шинээ сууж харагдав. Цаг барьдагаараа алдартай Дархаа тэргүүтэй “Нисванис”-ийн гишүүд харагдаж байв. Амгаа ахлагч л эзгүй.Хамгаалалтын албаны залуус танхимд байсан үзэгчдийн таксийг шалгаж дуусаад доош уруудав.   2015 оны 6 дугаар сар 6 өдөр - 19:45   Үзэгчдийн тоо нэмэгдсэн ч танхим тэгтлээ дүүрээргүй л байв. Бодвол Хүй долоон худаг руу, “хүлэг баатар”-уудын хамт зарим фенүүд явсан бололтой. Жил бүрийн “Нис Нис”, “Плейтайм” хөгжмийн фестивалиуд дээр тааралддаж, танил болсон царайнууд харагдана. Гаднаас дунд  эргэм насны 7-8 бүсгүйчүүд орж ирээд бүгдээрээ GV шар айраг захиаллаа. Ажиглаад байхад тэд гариг андуурсанаас зайлахгүй. Тоглолт эхлэхэд тэд шатны цаад мухарт суусан байв. Гэрэл зурагчин Энхбаяр (Тавка) үсээ хусчихаж. Зураг авахад үс урт байна уу, халзан байна уу ямар ч хамаагүй л дээ. “Хүчилтөрөгч” цомгийн продюсер Батбаяр найз нартайгаа явж байна. Галсаа, Отгоо нар үзэгдсэнгүй... Нэг хартал Амгаа ирчихсэн явна. Хаагуур зөрсөн юм бүү мэд.   2015 оны 6 дугаар сар 6 өдөр -20:15   Метал сет тоглуулж байсан DJ Нирванагийн дуунуудаас тоглуулж эхэллээ. “А-Саунд”-ын Тэмүүлэн, “Лемонс-ын Одноо тэргүүтэй бусад амьд хөгжмийн хамтлагийн гишүүд тоглолтыг дэмжихээр ирцгээсэн харагдана. Батбаяр продюсер тайзан дээрх Дархаагийн гитарыг заагаад “2000 оны 8 сарын 15 өдөр, В.Цойгийн төрсөн өдрөөр авсан юм. Арвантаван жил болж ээ” хэмээн дурсав. Үзэгчид шуугиж, үймэлдэн замбараагүйтсэнгүй. Үүдээр аргалж байгаад дотогшоо орчих санаатай хүмүүс мэр сэр байлаа.   2015 оны 6 дугаар сар 6 өдөр – 21:05   “Нисванис” тайзан дээр гарлаа. Анар бөмбөрийн ард суугаад л хоромхон зуур халаалт хийснээ, залгуулан “Гэрэлт ирээдүй намайг дуудна” дууны эхлэлийг тоглоходхойгуур сууж байсан залуус урагшаа түрэн орж ирцгээлээ. Залуус гэхээс илүү янз бүрийн насныхан байсан гэхэд болно. Эхний сетэнд “Маргааш энд...”, “Эрчүүдийг үзэн ядах сэтгэлийг надад өгөөч”, “О2”, “Намайг яа...” дуунуудаа тоглов. Дархаа арвантаван “настай” гитараа гарамгай эдлэж байгаа нь баганын цаагуур халхлагдан харагдахгүй байсан ч сонсогдож байлаа. Амгаа, Анар нарын тайзан дээр биеэ авч явж байгаа байдал нь дууны хөгжим, шүлэгтэй 150% зохицож байв. “Ар халхын алдарт гитарчин” хэмээн Амгаа нэгэнтээ надад бахархалтай нэрлэж байсан Хосоогийн хурууны хөдөлгөөнийг дагуулж харах боломжгүй байлаа. Энэ чанар нь тэднийг өдгөө хүртэл оршин тогтнож байгаагийн нэг шалтгаан нь байх.  Хорин жил болжбайгаа хамтлагийн ур чадварын тухай ийм, тийм байсан гэх нь илүүц биз. Гэхдээ эхний сет дуусахаас өмнө “жинхэнэ РОК” гэж энэ юм гэсэн сэтгэгдэл төрөв. Завсарлага удаж олныг чилээсэнгүй. Хоёрдахь сет “Ааваа, ааваа...” дуугаар эхэллээ. Би энэ дууг 1999 онд анх сонсоод тэр үед хоёр настай байсан хүүдээ эхний бадгийг нь зааж дуулуулдаг байсан юм. Энэ тухай эргэн санангуутаа би тэр даруй өнгөрсөн зуун руу орох шиг боллоо. Head bangers –уудын шавай нь ганц ханаж байгаа бололтой. Урт үсээ газар шүргүүлэн савчуулна. Рок концертын үед байдаг л зүйл, харахад ч бахархалтай. “Яагаад”, “Чамд намайг сэргээх юу ч алга”, “Аборт” дуунууд дараалан явж манайханы цөс нь хөөрчээ. “Бадарчин” дуугаа эхлэхийн өмнө Амгаагийн гитарын бүс мултрахад, Лемонсын соль гитарчин Тулгаа тогтоож өгөв. Энэ агшинг “Gandan Live House”-д ажиллаж байсан гэрэл зурагчдаас хамгийн авхаалжтай, овсгоотой нэг нь дарсан байгаасай.  Хожмын өдөр “Роллинг Стоун-Монголиа” сэтгүүл ажил хэрэг болвол тэр зургийг хавтсан дээр нь заавал хэвлэх юмсан. Дуунуудын хооронд Амгаа богино тайлбар хийж байсан нь сонирхол татаж байлаа. Энэ удаагийн сет дундаа орохоос өмнө Хүй долоон худагт тоглолт хийсэн “Рекон” хамтлагийнхан ирэв. Салхи, бороотой байснаас “хүлэг баатруудын” арга хэмжээ эрт тарсан гэнэ. “Харанхуй цээж”-ийг дуулж дуусаад Амгаа гэнэт “Энд нэг хип хоп явж байна. Наадахаа эндээс гарга” гэлээ. “Люмино” хамтлагийн Анхаагаар тохуурхаж байгаа нь тэр ажээ. Тоглолтын завсраар танхимын гэрэл түр ассаныг эс тооцвол ноцтой зүйл гарсангүй. Нэг мэдэхэд “Сургууль нураасай”-аа дуулахаар болжээ. Өглөөнөөс хойш урагшилж өгөхгүй байсан цаг тоглолтын үед ямар ч хурдан өнгөрөв. Одоо “Эмийн сан руу алхах” л үлдлээ гэж бодож байтал “Нисванис”-чууд шинэ цомгийнхоо дүрсжүүлсэн дуу “Сэтгэл хөдлөнө” дуугаа дууллаа. Үзэгчид ч даган дуулж байх юм. Бодвол аль хэдийн сэтгэлд нь нийцжээ. Энэ дууг дуусгаад “Эмийн сан”-ийн ээлждээ гэж бодтол Анар бөмбөрийнхөө араас босоод ахлагчийнхаа чихэнд шивнээд буцаж суулаа. Мань эр гэтэл энэ дуугаа дуулаагүй байна гэж шивнэсэн нь тэр ажээ. Ямар дуу болохыг бид мэднэ, хэрхэн дуулсаныг нь “Хүчилтөрөгч”-өөр амьсгалсан хүмүүс мэдэрсэн байх. Тоглолт дуусаад тэр дороо тарчихсангүй. Дараа нь үргэлжлүүлэн Тулгаагийн сет явж, ирсэн зочдынхоо дутууг гүйцээлээ.   Эцсийн дүгнэлтийг би хиймээргүй байна. Харин уг тоглолтыг үзсэн нэгэн рокерын фейсбуук дэх постоор өндөрлөе: “19 жилийн өмнөх "Сонсохыг Хориглоно..!!" ба 16 жилийн өмнөх "Хүчилтөрөгч" тоглолт өчигдөр боллоо... Аль, алий нь үзээгүй бол Чи Үнэн Тэнэг Гар... Хахах /тэхдээ зөвхөн тухайн онуудад 5-р ангиас дээш байсан хүмүүсд хамааралтай! Ихэнх нь Мангар Хип Хоп пацаанууд байсан л даа... wink emoticon ХипХоп ыг хүртэл бөмбөр, гитараар тоглодгийг мэдэхгүй...Рокууд нь ч Хип Хоп, Поп ыг бөмбөр, гитараар тоглодгийг мэдэхгүй... поп уудтай нь бол бүүр ярилтгүй кк/ Тийм л үe байсымдаа... Энэ бүхнийг өөрчилж сайн цагыг авчирсан хүмүүсд талархаад үл барна...”   Гамбино 2015 оны 6 дугаар сар 7
Дэлгэрэнгүй
Л.Энх-Амгалан: “Хийхийг хүсэхгүй байна”

Л.Энх-Амгалан: “Хийхийг хүсэхгүй байна”

Morgenrot Огноо: 2015-06-05 Сэтгэгдэл
11355484_840647236023852_97077233_n-Тоглолт хэдхэн хоноод болох гэж байна. Би ч бас танай хамтлагийн гишүүн шиг сэтгэл догдлоод хоног тоолоод эхэлсэн. Дархаа, Анар, Хосоо нар яаж байх шиг байна ? -Дархаа яахав дээ социализмын бүтээгдэхүүн болохоороо цаг барина гэж жигтэйхэн. Хоцроод очихоор биднийхээ толгой авчих гээд байдаг юм. Энэ хэвээрээ дуусах байх. Манай тоглолтын цагийг хамгийн их үймүүлдэг хүн чинь Хосоо шүү дээ. Мань нөхөр Дэгийгийн сургуульд багшлаад, шавь нараа хаяад явчих зүрх нь хүрдэггүй юм шиг байгаа юм. Тэр нөхөр одоо ч гэсэн бидний бэлтгэлийн цагийг нааш, цааш нь болгож байна. Анар аймаар үнэтэй, дөнгөж саяхан гарсан унадаг дугуй аваад гангараад байгаа. Хоцрох болохоороо утсаа авдаггүй зантай, гэхдээ ямар машин биш түгжирээд байлгүй яаж, ийж байгаад хүрээд ирдэггүй юм яахав.  Энэ ердөө үнэн байдал шүү, хахаха. Гэхдээ хэдийгээр бид нар хоцордог ч гэсэн товолсон цагтаа та нарыгаа “Хүчилтөрөгч”-өөр амьсгалуулж өгнөө. Амлаж байна!!! - Саяхан 4 сард 19 насныхаа баярыг хийсэн. 20 нас гэдэг бараг л эрийн цээнд хүрч байгаа хэрэг. Яаж энэ олон жил энэ хамтлагийг хэвээр нь хадгалж чадав? Битлзээс олон жил тоглож байна шүү дээ. - Ямар мундаг хамтлагтай зүйрлэж байна вэ!!! Багаасаа сонсож өссөн хамтлагтайгаа зүйрлүүлэх гоё ч юм шиг хахахаха. Би өөр ажил хийх боломжгүй, бас хийж ч чадахгүй, дээр хийхийг хүсэхгүй байна. Тэгээд ч хамтлагаа гайгүй болчих байх гэж эхэндээ бодсоор яваад нэг мэдсэн чинь арванесөн жил болжээ! Туулын мөсийг долоох шахам явсаар өдийг хүрлээ дээ. Хахаха! - Нисванисийн дууг надаас ахмад хүмүүс, миний үеийхэн, миний хүүхэд баймаар залуус, тэдний дүү нар дуртай сонсдог. Ид шид нь юунд байна вэ? - “Хонх” хамтлаг дууг тийм энгийн үгтэй байж болохыг надад мэдрүүлсэн юм. Манай дууны үгнүүд энгийн байдаг байлгүй дээ. Тэгээд л хүмүүст ойрхон тусдаг болохоор дотно санагддаг байх гэж таамаглаж байна! Ер нь яагаад хүмүүст хүрдэгийг нь өөрсдөөс нь асуучихвал амар юм бишүү??? - Танай хамтлагт өрсөлдөгч бий юу? - Өрсөлдөгч нар хаа сайгүй шүү дээ. Тэр тусмаа манай хамтлагийн дуунуудыг гүйцэд сонсоогүй мөртлөө, хаа таарсан газраа муулж явдаг хүмүүс л жинхэнэ өрсөлдөгч нар байгаа юм даа! Хахаха. - Танай тоглолтын завсраар өөр ямар хамтлаг тоглох вэ? - Завсраар нь өөр хамтлаг энэ тэр байхгүй байх аа. Gandan Live-ийнхан янз бүрийн юм сэдсэн байж магадгүй. Одоогоор надад мэдэх юм байхгүй нь. Тэндхийн менежер, Лемонсын гитарчин Тулгаа л мэдэж байгаа байх даа. - “А” үсэггүй (ГР ХНГЛГ) альбомны хувь заяа хаашаа эргэв ? - Бүх ажил дууссан. Хурдхан мөнгөө төлөөд намайг аваач гэсэн царай гаргаад студидээ хэвтэж байгаа биз зайлуул! Нэг өдөр баяжиж байгаад хөөрхийг тэндээс аваад, гадаад орон үзүүлэнгээ үржүүлж, олшруулаад эргүүлж авчрах цаг тун удахгүй байхаа. - Үзэгчид, сонсогч нартаа юу хэлмээр байна вэ? - Gandan Live чинь хариугүй жижигхэн юм байна лээ. Хэт олуулаа ирвэл, шахдалцаад тавгүй байх болов уу! Тэгэхээр цаг завгүй нь заавал үзнэ гээд, ажил төрлөө алдаад хэрэггүй ээ! Жилийн дараа “Хүчилтөрөгч”-ийг дахин тоглоосой гээд хүлээгээд байж байгаарай. За за явж машинаа олж аваад бэлтгэлдээ явах минь... Та бүхнийг хүндэтгэсэн Нисванис.   Ярилцсан Гамбино 2015 оны 6 дугаар сар 4
Дэлгэрэнгүй
Ж.Буянтогтох "Аливаа юмыг түвшинээр үнэлэх утгагүй"

Ж.Буянтогтох “Аливаа юмыг түвшинээр үнэлэх утгагүй”

Morgenrot Огноо: 2015-06-02 Сэтгэгдэл
11329952_961959137170465_97322583656574343_n - Хааяа “Buyanaa’s Band” гэсэн зар явж харагддаг. “Шар айраг” хамтлагаас юугаараа ялгардаг вэ? - Ямар ч ялгаагүй. Долоо хоног болгоны даваа гарагт “Гандан Вью”-д манайхан тоглоход Г.Ганхүү ахаас бусад нь оролцдог болохоор “Лемонс”-ын Тулгаа тэгж нэрлэсэн юм. - “Ocean’s 11/Great Mongolian Songs” миний сонсох дуртай цомгийн нэг. Аранжировка нь их өвөрмөц болсон байдаг. - Энэ цомгийг гаргахад нилээн бодож байж хийсэн л дээ. Австралид байхдаа би Нора Жонес, Майкл Бубле, Пол Анка нарын тоглолтыг үзсэн юм. Тэр үед “Easy Listening” гээд хуучин жазз, америк стандарт дуунуудыг  дуулдаг стилл гарч ирсэн. Одоо ч бас байгаа. Тэгээд үүнийг Монголд хийе гэж бодсон. Угаасаа ч романтик хүн болохоор тансаг хөгжим, дуугаралтанд дуртай. Нилээн хэдэн дуу сонгож аваад, туршиж үзсээр хамгийн сайн болсон дуунуудаар цомог болгосон юм. Монголд өмнө нь жазз дуу дуулдаг байсан, гэхдээ энэ бол жазз цомог гэдгээрээ өвөрмөц болсон байх. - Битлзийн трибют цомогт Ж.Харрисоны дууг дуулсан. Тэр танд таалагддаг уу? - Гитарчных нь хувьд биш харин дуунуудад дуртай.  Угаасаа ч “Битлз”-д дуртай. Бид анх “Night Train” гээд хамтлаг байгуулаад байхдаа” Битлз”-ийн дуунуудаас эхлээд дуулдаг байлаа. Энэ хамтлагт хар багаасаа дуртай, одоо трибют хийе гэвэл надад “Битлз”-ийн  гучин дуу бэлэн байна. - “Эргэх дөрвөн улирал”-д хуучин дуунаасаа дуулах уу? - Тоглолтондоо өөрийнхөө зохиосон дуунуудаас дуулахаар бэлдээд байгаа. - Тоглолтынхоо онцлогийг манай уншигчидтай хуваалцахгүй юу? Нэрнээс нь харахад уянгын дуунууд голдуу дуулах юм шиг санагдлаа. - Тоглолтонд нийт 17-18 дуу дуулна. Майкл Бублегийн нэг дуу дуулна. Манай Г.Ганхүү ах миний зохиосон хоёр дууг дуулна. Залуу дуучин Оюу, Уянга нар оролцоно. АНУ-ын Чикагод байгаа Эбби ахын “Мишээл” дуугаа дуулна. Манай “Night Train” хамтлагийн Цэцэ оролцоно. Бас МУ-ын Урлагийн гавьяат зүтгэлтэн Пүрэвдорж ахыгаа  урилгаар оролцуулж байгаа. Тэгээд манай Золбоо, Цогоо, Атка нар оролцох болно. - Буянаа “шавь”-тай юу? - Шавьтай. Урд нь Солонгоогийн пиано сургалт дээр гитар заадаг байсан. Саяхан хийлч Дээгийгийн сургуульд багшилж байгаад тоглолтын бэлтгэлээс болоод түр завсарлаад байна. “Night Train-д тоглодог Уртаа гэж мундаг гитарчин залуу байгаа. Шавь гэхээсээ миний дуунуудыг бүгдийг нь шахуу тоглодог - Орчин үеийн Монголын рок хөгжмийн хөгжилийг ямар түвшинд байна гэж боддог вэ? - Аливаа юмыг түвшингээр үнэлэх утгагүй. Төрийн соёрхолт дуучин Д.Болдын сонсогч түүний дууг сонсож л байг. Гэтэл “Colors” гээд хамтлагийг сонсдог хүмүүс нь бас л сонсог. Хоёр өөр урсгал жанрын хөгжмийг нэг түвшингээр хэмжих боломжгүй. Ний нуугүй үнэнийг хэлэхэд “The Colors хамтлагийнханыг дэлхийн зах зээлд гарах боломжтой гэж боддог. Тэгэхийн тулд тэд маш их хөдөлмөрлөх хэрэгтэй. -  Билетээ хаагуур борлуулах вэ? ямар үнэтэй вэ ? - Hi-Fi, Оранж рекордсын салбаруудаар худалдана. Тоглолт Тусгаар тогтнолын ордонд болно. Партерийн суудал 40000, бельтажны суудал 20000 төгрөгөөр тус тус үнэлсэн. - Цаг гарган ярилцсанд баярлалаа. Таны уран бүтээлд өндөр амжилт хүсье.   2015 оны 5 сарын 31 Ярилцсан Гамбино
Дэлгэрэнгүй
100% амьд “Шар айраг”

100% амьд “Шар айраг”

Morgenrot Огноо: 2015-05-12 Сэтгэгдэл
  149359_886064948103019_2483193189505160861_n 2015 оны 5 дугаар сарын 9 өдөр дэлхийн шударга хүн төрлөхтөнтэй хамт Монголчууд бид агуу их ялалтын 70 жилийн ойн баярыг өргөн дэлгэр тэмдэглэн өнгөрүүллээ. Энэхүү баяр дээр баяр нэмэхээр “Шар айраг” хамтлаг, залуу дуучин А.Оюундарь нар Соёлын төв өргөөнд “Сэтгэлд хоногшсон орос дуунууд” концертоо оросын дуу хөгжмийг шимтэн сонсогч олондоо зориулан тоглож сонирхууллаа. Тоглолтыг үзэж сонирхохоор гавьяаныхаа амралтыг эдэлж буй өндөр настанууд, үр ач нараараа хөтлүүлэн ирж байгааг харахад Орос дуу, оросын соёл бидний амьдралд хичнээн ойр дотно болох нь шууд мэдэрдэг байв. 2013 оноос “Шар айраг” хамтлагийн зохион байгуулж буй трибьют тоглолтуудыг алгасалгүй үзэж байгаагийн хувьд хамтлагийн ахлагч Г.Ганхүүгийн явуулдаг танин мэдэхүйн асуулт хариултын тэмцээн, үзэгчдийг чилээлгүй яг цагтаа эхэлдэг уламжлал нь олны сэтгэлийг булаасан уламжлал болжээ гэдгийг цохон тэмдэглэмээр байна. Тоглолтонд “Машина Времени”, “Ялла”, “Любе”, “Кино”, Юрий Антонов, Алла Пугачева зэрэг оросын алдар цуутай хамтлаг дуучдын бүтээлүүдийг эгшиглүүллээ. Тоглолт эхлэхэд “Шар айраг”-ийнхан нэг нэгээрээ цувран тайзан дээр гарч ирсэн нь үзэгчдийг хэсэгхэн зуур алмайруулах болсон. Энэ удаагийн тоглолтондоо дуучин А.Оюундарийг оролцуулсан нь “Шар айраг” хамтлагийнхан залуу уран бүтээлчдийг дэмжиж байдгийн нэг илрэл боллоо гэж үзэж байна. А.Оюундарь ч ах нарынхаа итгэлийг хөсөрдүүлсэнгүй. “Арлекино”, “Все могут короли” зэрэг А.Пугачевагийн дуунуудыг дуулахдаа түүний тайзаа мэдэрч, эзэмдэж байгаа байдал, өмссөн даашинз зэрэг нь Алла Борисовна яг ингэж дуулдаг болов уу гэсэн сэтгэгдэл төрүүлсэн бол “Наш сосед”-ийг дуулахдаа Э.Пьехагийн намба, донжыг харуулж чадлаа. “Учкудук”, “Крыша дома твоего”, “Когда твоя девушка больна” зэрэг дуунууд дээр Г.Ганхүү орос сургууль төгссөнөө харуулав. “Машина Времени” хамтлагийн “Поворот”, “Марионетки”, “Я пью до дна” дуунуудыг хөдөлмөр зуслангаа дурсан, ангийн нөхөддөө зориулан А. Макаревичээс ялгахын аргагүй дууллаа. Буянаа их адтай. Бидний сэтгэлд хоногшсон “Амьдрал нулимсанд дургүй”, “Ийм нэгэн явдал”, “Хувь заяаны эргүүлэг”, “Кавказад болсон явдал” зэрэг киноны дуунуудыг тэр ганцаараа болон А.Оюундарийн хамт дуулахад үзэгчид түрсэн нь тэдний сэтгэлд ихэд хүрсэний нэг илрэл билээ. Тоглолтын өмнөхөн бөмбөрчин Ж.Золбоо цоо шинэ иж бүрдэл бөмбөр бэлгэнд авсан ажээ. Шинэ бэлгэнийхээ дуугаралт, өөрийнхөө авьяасыг үзүүлж, үзэгчдийн уухай, шүглийн дуугаар давхар бэлэг хүртэж амжив. Цогоо, Атка, Билгээ, төгөлдөр хуурч Ариунаа нарыг хэн болох, хэрхэн тоглодогийг манайхан бүгд мэднэ. Тэдний оролцоогүйгээр энэ тоглолт хүмүүст хүрэхгүй нь ойлгомжтой. Гучин жилийн тэртээ Д. Тухманов, В.Харитонов нарын зохиосон “День победы” дууг үлээвэр хөгжимтэй сонссоор дассан болохоор амьд хөгжимтэй дуулах нь миний хувьд сонирхол татаж байсан юм. Гэтэл төсөөлж байснаас ч илүү байсныг цохон тэмдэглэмээр байна. Эргэн тойронд байсан хүмүүс энэ дууг бүгдээрээ түрэн дуулж, сэтгэл хөдөлсөн зарим нь хөл тавин алхмаар болж байсныг харахад дуу хөгжим буу зэвсгээс хүчтэй болох нь дахин батлагдлаа. Тоглолтын дуунуудын сонголт оновчтой болсоныг үзэгчдийн сэтгэл хөдлөл, талархал баталгаа болжээ. “Шар айраг” хамтлагийн уламжлалт трибют тоглолт ийнхүү орос дууны концертоор баяжлаа. Дараагийн тоглолтоо итали дуунуудаар хийвэл Сан-Ремо фествалийг амьсгаа даран үздэг байсан бидний үеийнхэний магнай тэнийх байх.   Гамбино 2015 оны 5 дугаар сарын 10
Дэлгэрэнгүй
Дуучин Б.Баярцэцэгийн бие даасан “ЭХО ЛЮБВИ” эксклюзив амьд тоглолт

Дуучин Б.Баярцэцэгийн бие даасан “ЭХО ЛЮБВИ” эксклюзив амьд тоглолт

Morgenrot Огноо: 2015-04-30 Сэтгэгдэл
  2011 онд “Хязгааргүйн цаана” тоглолтоо толилуулсанаас хойш бие даасан тоглолтоо хийгээгүй байсан Б. Баярцэцэг 05-р сарын 08-нд Крокус эвент холлд орос дуунуудаас бүрдсэн эксклюзив амьд тоглолтоо толилуулах гэж байна. Энэ нь түүний орос дуунуудаас бүрдсэн хоёр дахь бие даасан тоглолт юм. Өмнө нь 2008 онд “Ностальгия” орос дууны бие даасан тоглолтоо үзэгчиддээ толилуулж байжээ. Монголчуудын сэтгэлд хоногшсон орос киноны хит дуунууд, 80-90-ээд оныхоны диско дуунууд болон дурсамж сэргээсэн, гайхалтай аялгуутай 25-н дуунаас бүрдсэн түүний “Эхо любви” тоглолт түүний олон талын авьяасыг нь нээсэн сонирхолтой тоглолт болно. Өвөрмөц тайз, шинэлэг найруулга, шинэ дуунуудаас бүрдсэн энэхүү тоглолт үзэгчдийг уйдаахгүй. Тоглолтын хөгжмийн найруулгыг Т. Пүрэвсүх, хөгжимчдөөр нь A SOUND хамтлагийнхан нь ажиллаж байгаа. Уран бүтээлчид хэдийн бэлтгэлдээ гарчихсан байгаа билээ. Өвөрмөц тембр, импровизаци шаардсан уянгалаг дуунуудаас бүрдсэн Б.Баярцэцэгийн урын сан хөнгөн, цоглог хэмнэлтэй дуунуудаар ч баялаг. Энэ удаагийн тоглолтын хүрээнд түүний урын сан бидний ах эгч, аав ээжийн доргин бүждэг байсан 80-90-ээд оны диско дуунуудаар баяжиж байгаа. Тоглолт 4-н хэсгээс бүрдэнэ.
  1. Сэтгэлд дотно оросын кино дуунууд. “Ийм нэгэн явдал”, “Зүүдэнд ч оромгүй явдал”, “Москва нулимсанд итгэдэггүй” зэрэг олон кино хит дуунууд эгшиглэнэ.
  2. Эх орны дайны дуунуудын хэсэгт бидний хүсэн хүлээж үздэг “Хаврын 17 учрал” киноны дуунаас эхлээд дайнд нэрвэгдсэн оросын ард түмний сэтгэлийн дуудлага болсон шилмэл дуунуудаас бүрдэх аж.
  3. Бүсгүй ертөнц, хайр сэтгэл, аялгуут хөгжмийн дотоод гайхамшигийг уран бүтээлээрээ нээсэн Анна Герман, Майя Кристалинская, Муслим Магомаев зэрэг уран бүтээлчдийн бүтээлүүдээс бүрдсэн хэсэг.
  4. 80-90-ээд оныхоны үтрэмийн талбай, соёлын төвүүдийн бүжгийн талбайг доргиож, айл бүрийн магнитофон, пянз тоглуулагчаас эгшиглэдэг байсан хөнгөн цоглог, диско хэмнэл бүхий Алла Пугачёва, София Ротару, “Здравствуй, песня”, “Самоцветы”, “Ласковый май” хамтлагуудын шилмэл бүтээлүүдээс бүрдсэн хэсэгтэй байна.
Дуучин Б. Баярцэцэг ЗХУ болон ОХУ-д сургуулиа төгссөн төгсөгчдийг болон орос дуунд хайртай бүх үзэгчдийг хийгээд түүний уран бүтээлийг шимтэн сонссдог хайртай сонсогчдыгоо тоглолтондоо хүндэтгэн урьж байна. Мөн ирсэн бүхэн амьд тоглолтын гайхамшгийг мэдрэн хамтдаа уярч, доргин бүжиглэж нэг үдшийг хамтдаа сайхан өнгөрүүлэнэ гэдэгт эргэлзэх хэрэггүй. Тоглолтын ерөнхий ивээн тэтгэгчээр эко амьдралын гайхамшгийг уран барилгын салбарт нэвтрүүлж, стандарт тогтоосон Nomin Construction Development Group, ивээн тэтгэгчээр салбартаа анхдагч, нэр хүндтэй “Төгс зуурмаг” ХХК, уулархаг кавказын үсан үзмийн гайхам амтыг хэрэглэгчиддээ түгээдэг Таван Богд Интернэйшнл ХХК, эвент менежментийн салбарт тэргүүлэгч Крокус Эвент Холл ажиллаж байгаа аж. Уран бүтээлч ч салбартаа тэргүүлэгч эдгээр байгууллагууд “Эхо любви” тоглолтыг бодит ажил болгоход ихэд нөлөөлсөн бөгөөд талархаж буйгаа онцлож байгаа юм. Үзэгчдийг 19:00 цагт хуран цуглахыг уран бүтээлч маань урьж байна. Тоглолтонд ирсэн бүх зочдыг амтат дарсаар дайлж найрсагаар угтан авна. Тасалбар нь 39,999 болон 119, 999 төгрөгийн үнэтэй байх юм. 119,999 төгрөгний үнэтэй тасалбарт нь зууш, халуун хоол, уух зүйлс багтсан цэс багтах бөгөөд уран бүтээлчийн “Хязгааргүйн цаана” цомог бэлгэнд очих ажээ. Мөн 119,999 төгрөгний тасалбар нь цөөн тоогоор гарч байгаа ажээ. Тасалбарыг Hi-Fi Records хөгжмийн сүлжээ дэлгүүрүүдээс, easyticket.mn сайтаар болон 1900-1950, 1900-1188 үнэгүй хүргүүлж болох аж.
Дэлгэрэнгүй
МУГЖ Б.Сарантуяа 9 дэх удаагаа үзэгчидтэйгээ хамт төрсөн өдрөө тэмдэглэлээ

МУГЖ Б.Сарантуяа 9 дэх удаагаа үзэгчидтэйгээ хамт төрсөн өдрөө тэмдэглэлээ

Morgenrot Огноо: 2015-04-22 Сэтгэгдэл
4 дүгээр сарын 20. Энэ өдөр хэн нэгний хувьд энгийн нэгэн он цагийн эргэлт байж мэднэ. Харин тэгш тоо давхцсан энэхүү өдрийг хоног тоолон хүлээх хүмүүс олон. Жил бүрийн энэ л буухиа он удаан үргэлжилж, үзэгч түмнийгээ баярлуулна гэдэгт тэд итгэлтэй байдаг. Энгийн эрхэмсэг хүчирхэг бүсгүйн хоолойны царааг хэн ч бардам магтаж чадна. Учир нь тэр хийсэн, бүтээсэн, дуулсан, дурлуулсан бас уяраасан. МУГЖ Б.Сарантуяа гэдэг нэр аль хэдийнээ Монголын томоохон “брэнд” болжээ. Мундаг дуучин болно хэмээн хүсэл тээсэн 16 настай бяцхан охин өнөөдөр 45 нас хүрчихлээ. Цаг хугацаа гүйцэгдэхгүй хурдлахын хэрээр түүний олз омог ч дундрашгүй арвин болсоор... Урлагийн тогоон дотор 29 жил боловсорсон тэр, үзэгч түмний үнэлэмжинд “мундаг дуучин” хэмээн багтан явдаг. Тэгвэл бяцхан охины зорилго хэдийнээ биелжээ. 2500 хүний суудалтай Монгол бөхийн өргөө зай завсаргүй үзэгчдээр дүүрч, тасралтгүй баяр бахдалын алга ташилт үргэлжилж байсан нь тэр бүхний баталгаа юм. МУГЖ Б. Сарантуяа 9 дэх удаагаа төрсөн өдрөө алтан тайзан дээр тэмдэглэж буй нь энэ юм. Тэр үргэлж урам зориг бэлэглэдэг үзэгч түмнийгээ баярлуулж бас хамтдаа баярлаж энэ өдрийг өнгөрүүлдэг уламжлалтай. Тэгвэл дуучин Сараагийн хоолойн сүр хүч дор, бөмбөгөр их ордоны алтан тайзан дээр болж өнгөрсөн халуухан тоглолтын уур амьсгалаас hi-fi.mn уншигчидтайгаа хуваалцаж байна. Суудлаа зэхэн тухлаж буй үзэгчдийг өндөр ритмтэй хөгжмийн хэмнэл, түүний аянд эвлэгхэн бүжиглэх жавхаалаг дуучин хоёр маань хэзээний гэгэлзүүлээд эхлэв. Энэ тоглолтын уур амьсгал ямар болохыг хэн ч таамаглаж байлаа. МУГЖ Б. Сарантуяа тоглолтоо нэрлэсэн “Сэхүүн салхи” дуугаар орчныг сэвэлзүүлж, хэн бүхнийг хуучин дурсамжинд нь эргэн аваачсан юм. Тоглолт цааш үргэлжилсээр бөөрөнхий тайз өнгө гэрлээр солигдон басхүү дуучны маань цагаан царай, танан цагаан шүд, гялтганасан хар даашинз гээд өнгө гэрлийн зохицол дунд хараа ер салсангүй. МУГЖ Б. Сарантуяагийн тоглолтын хамгийн хүндтэй зочдын нэг бол түүний ээж юм. Тэрээр “Сарана” хэмээх дуугаараа ээждээ зориулан мялаалга өргөлөө. Энэ удаагийн хөтлөгчдөөр рок хэмээдэг Р.Мөнхсайхан, дуучин М. Нара нар томилогджээ. Тэдний энгийн инээд, хөгжөөн наргиа үзэгчдэд таалагдаж байлаа. Ер нь амьд уур амьсгал, амьд тоглолт, амьд хөгжмийн хамтлаг гээд шалгуур өндөртэй тоглолт болсонийг хэн хүнгүй мэдсэн бас мэдэрсэн. Үзэгчдийн голд ач охины хамт тухлан суух, МУСГЗ Д.Ухнаа гуай ч үүнийг сайшааж байсан юм. Гавъяаты хувьд хоногшил болсон дуунуудаа дараалан уянгалуулсан ч ер цуцсан шинжгүй. Бүр тоглолтын дунд хэсэгт “Аав ээж хоёр минь” хэмээх ур чадвар ихээр шаарддаг дууг дуулахаар төлөвлөсөн байх юм. Үзэгчид ч чих тавин хүлээж байлаа. Тодоос тод, хүчтэйгээр цуурайтах тэр аялгууг амьсгаа даран чагнах үзэгчид жилээс жилд хүчирхэгжих тэр хоолойг бишрэн уухайлна. Мөн нэмж хэлэхэд “Содура” киноны дуу энэ тоглолтын нэгэн чимэг байсан гэдгийг хэлэх нь зүйтэй. Үүний дараа түүнд урлагийн салбарт гаргасан хөдөлмөр зүтгэлийг нь үнэлж, МУ-ын Ерөнхийлөгчийн тамгийн газраас “Хүндэт жуух бичиг”-ийг гардууллаа. Ийнхүү баяр дээр баяр нэмсэн шагнал, бэлгийн хур, цэцгийн баглаанд гавъяат бялахсаар.... “Сэхүүн Салхи” тоглолтонд олон сайхан цэцэгс дэлбээлэн гарч ирсэн. Түүний шавь Улсын Филормоны гоцлол дуучин Л. Насанбуян, царайлаг чадварлаг хэмээн үзэгчидээс сайн үнэлэмж хүртэж буй залуу дуучин Хишгээ, Ангирмаа багшийн хамт. Мөн хамгийн их үзэгчдэд таалагдсан нь “New Star”студэд харъяалагддаг, дуучин Б. Сарантуяагийн дүү нар үзэсгэлэнт бүсгүйчүүд төрсөн өдрийн мэндчилгээ дэвшүүлсэн нь энэ тоглолтын нэгэн гэнэтийн бэлэг байлаа. Тэд бол альтернатив дуучин Х.Отгоо, Ч. Соко, Б.Баярцэцэг, Э.Болор-Уянга, М.Нара нар байсан юм. Энэ үдэш түүнд барих гэнэтийн бэлэг тасарсангүй, гавъяатын зүгээс гэнэтийн бэлэг ч дууссангүй. Дуучин маань өөртэйгээ нэгэн өдөр төрсөн үзэгчдэд гарын бэлгээ гардуулсан. Энэ дунд дөнгөж хөлд орж буй бяцхан хүүхдүүдээс эхлээд 70 гаруй настай эмээ хүртэл байсан юм. Манай улсад болж буй дулаахан уур амьсгалтай тоглолт, дэлхийн хэмжээний оддын тоглолт мэт санагдах үе байсныг ч сэтгүүлч миний бие нуух юун. Дуучин Б. Сарантуяагийн фен групп нэг дор цугларч, олон өнгийн лоозон гэрлээр жигдрэн шагширч, телевизийн шууд дамжуулалт дэргэд хийгдэж, бүх зүйл нэгэн цогцложээ. Техник технологи, уран бүтээлчидийн алдаа саад гараагүй гэхчлэн ямар өндөр хэмжээнд бэлтгэж, хөлс хүч зарцуулдагийг үзэгчид магтахын сацуу, залуу уран бүтээлчид үлгэр дуурайлал авсан биз ээ. Тоглолт өндөрлөх дөхөж бэлгээ өгч амжаагүй хүмүүс яаран тайз руу ухас хийнэ. Уламжлал ёсоор бялуу задарч дуучин маань үзэгчидтэйгээ хамт төрсөн өдрийн дууг эгшиглүүллээ. Тоглолтын дараа ирсэн зочид уран бүтээлчид МУГЖ Б. Сарантуяад зориулж мялаалгын үгээ дэвшүүлж харагдсан. Энэ дунд залуу дуучин A Cool, Sweetymotion хамтлаг, ая зохиогч Б. Чинбат, дуучин Дэлгэрмөрөн, Оюунбилэг, Тайванбат, Ангирмаа, Дашдондог, Цогоо гэх мэт цөөнгүй уран бүтээлчид уригдсан байлаа. Ийнхүү гурван цаг шахам үргэлжилсэн тоглолт өндөрлөж, гавъяат маань уламжлал ёсоор мэхийн ёсолж, үзэгч түмэн сэтгэл ханамжаар дүүрэн алга ташилтаа өргөн барьсан юм. Саяхан амьсгалах агааргүй, яриа чихэнд хүрэмгүй шуугиантай байсан өргөө өнгө зүсээ олж, хүмүүсийн цуваа бага багаар холдсоор байлаа... saraa2 saraa3saraa4 saraa5 saraa6 saraa1 saraa7
Дэлгэрэнгүй

ДУУЧИН Б.САРАНТУЯА ХЭВЛЭЛИЙН БАГА ХУРЛАА ТУН ӨВӨРМӨЦӨӨР ХИЙХ ГЭЖ БАЙНА.

Morgenrot Огноо: 2015-04-16 Сэтгэгдэл
11148301_1575649612716097_780809472_o МУГЖ, Зууны манлай эстрадын дуучин Б.Сарантуяа "СЭХҮҮН САЛХИ" төрсөн өдрийн ес дэх тоглолтоо энэ сарын 20-нд Монгол бөхийн өргөөнд тоглох гэж байна. Тоглолтонд RANDOM хамтлаг, ОЛОНХИ хамтлаг, Үндэсний дуу бүжгийн эрдмийн чуулга, БЦДБЧ-ын Бүжигчид оролцоно. Зууны манлай эстрадын дуучин Б.Сарантуяа Төрсөн Өдрийн Тоглолтондоо зориулсан хэвлэлийн бага хурлаа сонирхолтой хэлбэрээр хийх гэж байна. ХМБ-ын төлөөлөл болсон сэтгүүлчид нүүр тулж хүссэн асуултаараа кофе уунгаа ярилцах боломжийг МУГЖ Б.Сарантуяа та бүхэнд олгож байна. Сэтгүүлчидтэй ярилцах нийт хугацаа 2 цаг байх болно. Нэг хэвлэл мэдээллийн байгууллагын сэтгүүлч 10 минутын хугацаанд дуучнаас сонирхсон мэдээллээ аваарай.Дуучин хамгийн өвөрмөц, сонирхолтой яриа өрнүүлсэн нэг сэтгүүлчийг сонгож өөрийнхөө БЭЛЭГ-ийг өгөх болно. Сэтгүүлчид та бүхэн дуучин Б.Сарантуяатай хийх нүүр тулсан кофетэй ХБХ-ын цагаа сонгоорой. Бүх хэвлэл мэдээллийн байгууллагын сэтгүүлчид та бүхнийг урьж байна. ХААНА: Улаанбаатар ресторан ХЭЗЭЭ: 2015.04.13 ХЭДЭЭС: 11:00-13:00   Холбогдох утас:99091726 Зохион байгуулагч: Apple production
Дэлгэрэнгүй
Б.Шарав: Ямар ч суутан цаг үедээ үнэлэгддэггүй ч байж мэднэ …

Б.Шарав: Ямар ч суутан цаг үедээ үнэлэгддэггүй ч байж мэднэ …

Teku Solomon Огноо: 2015-04-09 Сэтгэгдэл
1014677_615388391826998_1872582655_oТөрийн шагналт, Монгол улсын урлагийн гавьяат зүтгэлтэн хөгжмийн зохиолч Б.Шаравтай “Hi-Fi.mn” сайт ярилцав. Д.Т -Бид хоёр олон жил ойр явжээ. Л.Мөрдорж гуайтай ч хамт Х.Билэгжаргалтайгаа ч хамт балгаж ч наргиж ч  явлаа. Гэхдээ би гэгч мунхаг хүн өөрийн чинь бичсэн “Замбуутивийн наран” магтууг анх Бельгүүдтэй хамтарч хийсэн “Талын хот ” кинонд 1992 онд ашиглах санаатай анх сонсоод л өнөөх таньдаг Шараваасаа бүтээлчыг олж хараад шүтэж эхэлсэн гэж хэлж болно? Б.Ш - “Замбуутивийн наран”г хөгжмийн дээд сургуульд байх үедээ бичсэн юм. Тэр үед гэнэт л юм бичиж болохоо больчихоод байсан үе байлаа. Уран бүтээлч хүн чи андахгүй дээ нэг л болж өгөхгүй зогсчихоод байдаг даа? Д.Т -Тийм үе байдаг яагаад ч юм гарахаа байчихдаг. Б.Ш -Том том багш нарын ном сонсоод, тэгээд бас хагас хугас ухаан суугаад ирсэн үе л дээ.  Энэ европын сонгодогуудын хойноос бид хөөгөөд гүйцэхгүй юм байна... гэдгийг ойлгоод эхлэхгүй юу. Айлаас эрэхээр авдраа ухах тухай бодож эхэлж …Нутгаа ч их санаж байлаа. Энэ европчууд яахав хот барьж байгуулж, өөрийн гэсэн соёлоо дархлаа л биз, бид ч гэсэн бас том явсан үе бий шүү дээ эдгийг бүгдийг удирдаж байлаа гээд омог сэтгэл төрнөө дөө …Чингис хааны үе түүнээс ч өмнөх үеийн тухай, бүр тодруулбал уртын дуу хэрхэн үүсэн тухай гэх мэт юм их бодож байлаа. Тэгээд цаг нь болсон хэрэг. Д.Т -Уралын консерваторт байхаа? Б.Ш-Тийм тэгээд 4 р курс төгсөх хавар нэг өглөө босож ирээд эхний хэсгийг бичсэн юм л даа. Өнөөх нутгаа санасан сэтгэлээр авдраа ухсан хэрэг шүү дээ. Уртын дуу бол уриа дуудлагаас үүссэн гэж би боддог, таадаг  хүн л дээ. Гэтэл тэр үед модерн хөгжмийн урсгалууд ид хүчээ авч байсан үе болоод тэдэнтэй хольж хутгасан гэх үү дээ. А.Шнитке, Р.Шедрин… гэх хөгжмийн зохиолчдийн арга барилыг ажиглаад шинэ юм гаргаж ирэх санаа төрсөн хэрэг. Өнөөх монгол аялгуугаар шүү дээ. Тэнд маш олон санаа орсон хожим нь бүр хөгжүүлсэн юм. Тэгээд ч энэ бүтээлдээ би их хайртай байдаг юм. Энэ бүтээлээс улбаалж дараа дараагийн симфони маань төрсөн хэрэг. Д.Т -Курсын ажил юм бол сургуульдаа шалгалтад сонсгоно биз дээ? Б.Ш -Тэгэлгүй яахав бүр үггүй дан  хоёр төгөлдөр хуураар л тоглуулсан юм. Тэгсэн багш маань наадах чинь л чиний их үнэтэй санаа байна. Энэ л чиний арга барил байж мэднэ гэж хэлсэн юм. Их тоосон хэрэг л дээ. Тэгээд  цаашлаад сургууль төгсөхдөө нэгдүгээр симфонио бичээд түүгээрээ диплом хамгаалж дараа нь хоёрдугаар симфони 1987 оны 10 сард тоглогдсоны маргаашнаас л Монголын хөгжмийн ерөнхий хандлага бүхлээрээ өөрчлөгдсөн гэж болно. Өөрөөр хэлбэл 1987 оноос өнөөг хүртэл монголын хөгжмийг бүхэлд нь нэг барил нэг том барил “изм” гэж үзвэл тэр “изм” нь миний нэрээр овоглож өнөөг хүрсэн гэж би боддог. Яагаад гэвэл чиг хандлагын үндсэн суурь надаас эхтэй юм. Цаашдаа ч ингэж л явна гэж бардам хэлнэ. Д.Т -Явж явж бүтээлч хүн ерөөсөө өөрийнхөө л тухай , өөрийн хэлэхээс өөр аргагүй болсон болоод л хэлдэг юм биш үү? Зурдаг нь зургаар, бичдэг нь уран зохиолоор хөгжмийн зохиолч бол хөг аяар бичдэг. Бүхий л алдартангуудын бүтээл өөрийнхөө л тухай ярьсан яриа ч юм шиг? Б.Ш -Чи яг зөв хэллээ. Би бол бүр улаан хөдөөний хүн шүү дээ. Багадаа хурдны морь унаж өссөн, бүүр жалгын мухарт төрсөн, өнөөх төгөлдөр хуур гэгч хөгжмийг 16 нас хүрч байж л анх харсан хүн . Хэрвээ би хотод төрөөд, хөгжим бүжгийн сургууль төгсөөд, консерваторид очсон бол надаас шал өөр л юм дуугарч таарна. Гэтэл миний амьдрал гэнэтийн өөрчлөлтөөр хөдөөгөөс хотод нэг буудалласан болоод шууд гадагшаа гарч нүд тайлсан хүн учир “Замбуутивийн наран”гаар миний уран бүтээлийн шинэ хаалгаа нээгдсэн байх гэж боддог. Харин чи их дээр олж сонсоод кинондоо ашигласан нь сайхан санагдлаа. Д.Т –Хөжмийг үгээр тайлбарлах гэдэг угаасаа утга муутай. Жишээ нь өөрийн чинь “Сэтгэлийн эгшиг”- ийг бараг л гашуудлын хөгжим мэтээр хүмүүс хүлээж авдаг. Бүр некрологт тавиад ч сурчхаж.  Нээрээ ч тэрийг хүн тайван, тэгш амгалан сонсож чаддаггүй … Иймэрхүү хөг ая ер нь ямар үед гардаг юм бэ? Б.Ш -Дээрх бид хоёрын яриа бол энэ хэсэгт хамаагүй шахам юм. За яахав “Сэрсэн тал” “ Гэгээн алсад одох юмсан” “Манан”… зэрэгт хүмүүс их дуртай байдаг. Жишээ нь “Сэтгэлийн эгшиг”-ийг нэг л сэтгэл хачин болоод, гунигтай ганцаардсан ч юм шиг  үймээд,эхнэрээ санаад байхдаа л биччихсэн эд. Хархад зүгээр л хэдхэн нот. Гэхдээ хялбархан хэдэн нот шүү. Хийлч Дээгий нэг удаа надад хэлсэн юм шүү. Энэний нот гэж одоо юу байнаа…гэж ? Тоглоод ядаад байх юмгүй амархан харагдаж л дээ. Тийм л дээ нээрээ. Гэхдээ л хүн түүнийг сонсоод шууд миний сэтгэлд болж байсан тэр гуниг тэр шаналал… одоо юу гэж нэрлэнэ сүнс, энерги, далд ухамсарт байгаа сэтгэлийн хөдлөл ч гэнэ үү …тэрийг сонссон хүн яг адилхан мэдрээд байгаад л учир байгаа юм. Хөгжим өөрөө сэтгэлийн маш хүчтэй хэл юм шүү дээ. Үгээр илэрхийлж болдоггүй юмыг л эгшигээр илэрхийлдэг. Энэ бол цэвэр мэдрэмжийн л асуудал… Д.Т -Гадаад ертөнц өөрийг чинь хир хүлээж авдаг юм бэ? Б.Ш-Гадагшаагаа тоглогдсон тал дээр бол би хөгжмийн ертөнцдөө хамгийн амжилттай яваа нь ч байж мэднэ. Миний бүтээлүүдээс гадаадад маш их тоглогдсон. “Үлэмжийн ертөнц” симфони уран сэтгэмж, “Зуурдын орон” бүжгийн жүжгийн чуулбар, Морин хуурийн концерт, “Хэрлэнгийн домог” гэх мэт олон бүтээлүүд маань АНУ ын Корнеги холл, Британын Альберт холл, Японы Сантори холл гэх мэт дэлхийн нэгдүгээр зэрэглэлийн тайзуудад бараг бүгдэд тоглогдсон юм шүү дээ. “Хэрлэнгийн домог” гэхэд л Нобелийн шагнал гардуулах ёслол дээр хүртэл тоглогдсон . -Гадагшаа тоглогдохоор мөнгө цаас бас орж ирэх үү? -Өө тэгэлгүй яахав. Амазон энэ тэрд ч зарагдаж байгаа. Одоо миний унаад яваа машин гэхэд гадны л мөнгөөр авсан юм шүү дээ. Интернетэд зах хязгаар гэж байхгүй шүү дээ. Зах зээл л юм бол манай бүтээлчид гадагшаа л хүнд хүргэх юм хийхийн төлөө, бусад нь ч энэ зүгт хандуулах, зарж борлуулах зүйлсийг хийх цаг болсон. Зөвхөн Монголдоо тэгээд урлагаар амьдрах арга бол байхгүй. Хөгжим л юм бол хаанаа ч орчуулгагүй хүрдэг болохоор нутагтаа хийгээд чадвал гадагшаа л харж явах хэрэгтэй цаг шүү дээ. Харин чиний киноны хувьд нилээд хэцүү байх. Заавал мөнгө шаардана. Нот бол олон улсын хэл тэхээр бидний хувьд бас боломжтой юм. Төгөлдөр хуур, нотны цаас, үзэг байхад юм хийгээд байж болно. Д.Т -Ер нь л манайх шиг 3 сая хүнтэй оронд мэдиагаар мөнгө хийнэ гэж байх уу ? Б.Ш –Хэцүү дээ. Маш сайн кино хийгээд хийгээд нэг сая хүн үзнэ биз дээ. Бүүр маш сайн кино бол шүү дээ. Тэгвэл энэ урд, хойд хөршид бол нэг хотод л ийм тооны хүн үзнэ шүү дээ. Тэхээр л бүх урлагийн салбар дэлхийн зах зээлд л оюуны бүтээлээ яаж гаргах вэ гэдэгт санаа зовох ёстой болов уу даа. Саяхан л нэтэд юу ч олддоггүй байлаа. Одоо ч бас ч гэж ютубэд зөвшөөрөлтэй зөвшөөрөлгүй юм хум байж байх болж. 10549954_789491171134412_6867336734338376939_oД.Т-Ю туб гэснээс өөрийн чинь бүтээлүүдийг маш их хүн сонсож маш олон зурвас үлдээсэн байх юм билээ. Нэг хүн “Ийм сайхан аялгууг хүн төрлөхтөнд өгсөн Шарав гуай танаар бахархая. Энэ аялгууг мэдэрч сэтгэлийн таашаал авсан хүн бүрийн өмнөөс талархая. Мянган мянган жил үл тасалдах хөг аялгуу мөнхөд хүн төрөлхтөнг сэхээрүүлэг” гэх мэтээр бичсэн байдаг хардаг уу? Б.Ш -Хаяа хардаг, урам ч төрдөг. Сэтгэлийн эгшиг, Гэгээн алсад одох юмсан, Манан, Бөртө хатан гэх мэт жижиг аязуудыг их сонсдог болтой юм билээ. “Сэрсэн тал”-ыг бол их хурдан бичсэн санагддаг юм. 1984 онд улс тунхагласны 60 жилээр сэрж байгаа улс орон гэсэн агуулгатай найрал хөгжмийн бүтээлийн захиалгаар хийсэн юм. Одоогоор 31 жил тоглогдоод байна. Үндэсний их найрал хөгжим хамгийн олон удаа тоглосон бүтээл юм. Эндээ олон тоглогдохоос гадна гадашаа ч олон тоглогдсон бүтээл . Москвагийн их тайзан дээр 2 удаа Юнескод ч хэд хэд тоглогдсон. Парист ч бас тоглогдсон байх жишээтэй. Ер нь манай морин хуурын чуулга очсон газар болгондоо л тоглодог. Японы дунд сургуулийн хүүхдүүд тоглосон бичлэг ч ю тубед байна билээ. Д.Т -Төрийн шагнал ямар бүлээрээ авсан юм бэ? Хүмүүс “Сэрсэн тал” эсвэл “Гэгээн алсад одох юмсан” бас “Сэтгэлийн эгшиг” гуравыг л төрөөс үнэлсэн байх гэж боддог? Б.Ш - Би “Хоёрдугаар симфони”, эхлээд чиний асуусан “Замбуутивийн наран” гэдэг хоёр бүтээлээрээ Төрийн шагнал хүртсэн юм шүү дээ.“Сэрсэн тал” “Сэтгэлийн эгшиг” “Гэгээн алсад одох юмсан” гурвын аль нь ч биш. Хүмүүс тэгж андуураад байдаг. Д.Т -Ингэхэд Б.Шарав гэх миний таньдаг хувь хүн ер нь яаж шуу амьдарч байдаг хэрэг вэ? Цалин цавуу гэж огт байхгүй байх. Төрийн шагналын цалин гэж байх уу? Б.Ш -Үгүй яахав дээ. Тэтгэвэр тогтоолгох гээд үзсэн чинь ердөө л 6 жил хэдэн сар л цалин авч цаг бүртгүүлсэн хүн юм билээ би. Тэгээд тэтгэвэр тогтоож болдоггүй. Харин тэгсэн энэ УИХ гишүүн С.Эрдэнэ нэг хууль батлуулсан юм билээ л дээ түүнд нь харин хамрагдаад тэгээд 208 мянган төгрөгийн тэтгэвэр авдаг. Дээр нь гавьяатын нэмэгдэл гэж 150 мянга тэгээд л болоо. Д.Т -Төрийн шагналд цалин байдаггүй хэрэг үү? Б.Ш -Байхгүй шүү дээ өгөхдөө хэдэн цаас дагалддаг. Гэхдээ социализмын үед арай дээр байсан шиг байгаан С.Гончигсумлаа багш төрийн шагнал дээрээ 2 мянга нэмээд гэдэг байхаа… унаад явдаг байсан улаан “Шкода” машинаа авсан байдаг юм билээ. Их дэлгүүрээс цоо шинээр нь авсан гэж байгаа шүү. Тэр үед бараг машины мөнгө өгдөг байж. Одоо хэд дагалддаг болсон юм болдоо. Миний үед 50 мянган төгрөг дагаж байсан одоо жоол нэмэгдээ биз…Билгээг авхад 350 мянга болсон байсан санагдана. Гэхдээ яахав ээ би чинь си дигээ зарна. Киноны хөгжим бичнэ. Номнууд байна. Тэгээд бас жижиг сажиг захиалга мундахгүй. Эрхбиш юм хийсэн болохоор хишгийг нь хүртэж л суух юм даа.  Д.Т -Бусад оронд яадаг юм бэ? Холоос хайгаад яахав Оросод яг өөрийн чинь зиндааны төрийн шагналтай хүн яаж шуухан амьдардаг юм бэ дээ? Б.Ш - Өө шал өөр.Кобекин,Владимир Александр гэж хүн байгаа.Намайг Уралын консерваторид сурч байхад багшилж байсан төрийн шагналтай хүн. Одоо амьд байгаагаас магадгүй хамгийн нэртэй хөгжмийн зохиолч байж мэднэ.Тэр хүнтэй би олон жил хамт ажиллаж бас ойр явлаа.Якутын “Чингис хаан” киноны хөгжмийг тэр хүн бичиж би бас зөвлөх хөгжмийн зохиолч хийж байлаа. Тэр хүнээр л жишээ авахад Москвад, Санкт Петербургд байртай.Уран бүтээл хийх үедээ тэндээ очно.Уралдаа бас байр савтай, хамаг хөрөнгө нь тэнд байна. Мөнгө төгрөг энэ тэрээр огт гачигдах зүйлгүй зөвхөн л уран бүтээлээ бодно.Би Сайн мэдэх хүнээ л ярихад шүү дээ.Тийм л юм билээ.Энэ Өвөр Монголд миний шавь Цагаан гэж хүн байна.Хөх хотын хүн гэхдээ Бээжинд хувийн студитэй тэрэндээ уран бүтээлээ хийгээд сууж байх гэж мэт боломжтой улс олон байх юмаа.

Д.Т –Одоо ч интенэстээр худалдаа хийдэг болж дээ. HI-FI on line store гэж гарч ирж. Энд мэдээж бүтээлүүд чинь зарагдаад эхэлсэн байх л даа?

Б.Ш- Тэгэлгүй яахав. Би сая гэрээгээ шинэчилсэн. Харин интернэтэд хил хязгаар гэж байх биш. Тэхээр манай хувийн хэвшилийнхэн ийм юм эхлээд явж байгаад талархаж сууна. Эрх чөлөө байна. Дэлхий хавтгай болж, юу л бол юу олж сонсож мэдэж болно. Бид харин өөрсдөө жоохон арчаагүй байгаа ч юм шиг. Д.Т -Х.Билэгжаргал? Ц.Чинзориг хоёртой их дотно байсныг мэднэ. Бид хамт олон ч удаа уулзаж байлаа. Одоо үгүйлэх юм уу? Б.Ш -Өө хэлээд яахав. Билгээ бид хоёр нэг ангийн хоёр шүү дээ. Хар багаасаа хамт явсан. Ганцаардах үе байх ч  уран бүтээлийн ганцаардал гэж их хэцүү юм байдаг юм байна. Хийсэн юмаа сонсгох хүнгүй хэцүүдэх юм. Тэр хоёртойгоо байхад их ч дэмтэй байж дээ. Билгээ маань ид бүтээдэг үедээ явчихлаа. “Ламбугайн нулимс” бол мундаг дуурь шүү дээ. Нас эцэслэх үедээ “Таж Махал” гээд дуурь хийж байгаад гүйцээсэнгүй дээ хөөрхий. Ц.Чинзоригийг дурсахын тулд “Үүлэн цэнхэр хангай”, “Зүүдний говь” гэдэг хоёр дууг нь хэлэхэд л хангалттай. Бас нэг сайн найз минь Ц.Нацагдорж байлаа. Ц.Нацагдорж бол Монголын хөгжмийн урлаг дахь хүнд төрлийн томоохон бүтээлүүдийг бүгдийг нь бичсэн. Саяхан Гончигоо багшийн 100 жил боллоо. Тэгсэн Зоригоо хүү нь хэлж байна л дээ. Таксинд суугаад явж байтал “Дэнжийн ногоо” радиогоор явжээ. Тэгсэн Зоригоо хөөрөөд энэ дууг хэн зохиосныг мэдэх үү гэж жолоочоос асуужээ. Өнөөх нь энэ ардын дуу биз дээ гэж хариулж. За яахав аавын минь дууг ардын дуу гэж хүмүүс ойлгодог юм байна..гээд яахав агуу хүмүүс л ардын дуу зохиодог биз гэж бодлоо … гэж байна билээ. Манай Чинжгээ ч олон ардын дуу зохиосон доо. Хангалын маань “Аяны шувууд” ч бараг л ардын дуу болж дээ. 10865708_789490914467771_1916925509177570823_oД.Т- “Нэг монгол нөгөө монголоороо гоёдог болсон цагт л тамын тогооны үлгэр амар сайхандаа жаргана” гэж би боддог боллоо. Бид бие биенээ үнэлэхээ байчихсан л юм шиг? Б.Ш-Тийм тал байнаа. Цөөхөн Монголчууд бие биенээ их муулах юм даа. Хүний нас ахархан… Гэхдээ авъяас , хүний сэтгэл хөгширдөггүй юм байна. Италийн хөгжмийн зохиолч Ж.Верди ная гарсан хойноо “Отелло” дуурийг бичсэн байдаг. Яг л залуу хүнийх шиг галтай, дөлтэй, зөрчилтэй зохиол. Ер нь уран бүтээлчдыг цаг үе нь нэг их тоохгүй байсан тал дээр бол ерөөсөө л ийм байсан юм биш үү гэж боддог…Л.Бетховен байна. Мөн л ядруу амьдарч байгаад ганцаараа үхсэн. Тэр нас барах орой нь дуурийн театрын хоёр хүүхэн л очсон байдаг. П.Чайковскийг ч мөн адил Фон  Мек гээд төмөр замын нэг эзэн авгай л насаараа уулзаагүй хирнээ байр сав цалин мөнгөөр тэтгэж байсан юм билээ. Нэг үгээр тэр авгай далдаас тэжээж байсан хэрэг. Оросууд тухай үедээ бас л ад үзээд л байсан байдаг шиг юм билээ. Өнөөдөр хөгжмийн ертөнцөд ялангуяа баруунд П. Чайковский хамгийн их тоглогдож байна. Ингээд бодохоор ямарч суутан цаг үедээ үнэлэгддэггүй ч байж мэднэ... -Танай үеийнхэн бараг бүгд ардын жижигчин болцгоожээ. Өөрийг чинь хамгийн олон бүтээлтэйг би мэднэ. Ардын жүжигчин яагаад болдоггүй юм бэ? Б.Ш-2006 онд би Чингис хаан одонгоор шагнагдсан. Хожим мэдэхнээ энэ шагнал төрийн хамгийн дээд шагнал юм байна билээ. Тэхээр чинь одоо Ардын жүжигчин гэдгийг надад өгөх үү дээ... Д.Т -За нилээд хөөрчихлөө. Хуучин андтайгаа яриа дэлгэх сайхан байлаа. Уран бүтээлч хүнд бүтээлд нь л амжилт хүсэх ёстой байх. Б.Ш -Баяраллаа. Хоёулаа ч хамтраад юм хийх биз. Верди шиг насалдаггүй юмаа гэхэд нэг ч өдөр зүгээр сууж чадахгүй өнөөг хүрч, чи ч бас нэг тиймэрхүү хүн шүү дээ. Тамын амьтад тамдаа жаргалтай гэдэг байхаа…жаргалтай л явна.   НИЙТЛЭЛЧ Д.ТӨРМӨНХ  
Дэлгэрэнгүй
The Triangle: Шөнө хөгжим зохиох хүсэл төрдөг

The Triangle: Шөнө хөгжим зохиох хүсэл төрдөг

Teku Solomon Огноо: 2015-04-09 Сэтгэгдэл
134eda_0d2378e9582f49d8ab20895e7b775190.jpg_srb_p_1143_762_75_22_0.50_1.20_0.00_jpg_srbМонголын хамгийн анхны “Deep, electro house” цомог худалдаанд гарчээ. Залуу уран бүтээлч The Trangle-ын “Хайр ба үзэн ядалт” цомог нь 13 дуутай бөгөөд үг, аяыг өөрөө зохиосон байна. Түүний цомгийн өдөрлөг “Хай-Фай Рекордс”-ын байранд дөрөвдүгээр сарын 17-нд 13.00 цагт болох аж. Эл цомгийн өдөрлөгөөр тэрээр эхний ирсэн 20 хүнд цомгоо бэлэглэх бөгөөд өөрийн гарын үсэгтэй цомгийн постор зургаа бэлэглэх ажээ. Сонирхуулахад “Hate & Love” цомгийг “Hi-Fi.mn” сайтаар дамжуулан биет болон биет бусаар худалдан авах боломжтой. Мөн электро хөгжмийн хорхойтнууд “Hate & Love” цомгийг 333-111 дугаараар захиалж хүргэлт үйлчилгээгээр хүргүүлэх боломжтойг уран бүтээлч хэлж байлаа. The Triangle-тэй  ярилцсанаа уншигчиддаа хүргье. -Өөрийгөө манай уншигчидтай танилцуулахгүй юу? -Юуны өмнө “Hi-Fi.mn” сайтын нийт уншигчиддаа энэ өдрийн мэндийг хүргье. Миний хувьд 2006 оноос хойш “Deep, electro house” чиглэлээр сурч өнөөг хүртэл уран бүтээлээ туурвиж байгаа. Өнөөдөр анхны цомгоо электро хөгжим сонирхогчдын гар дээр хүргэж байгаадаа баяртай байна. Цомог маань 13 дуутай. Цомогт олны танил хэд хэдэн дуу бий. Ерөнхийдөө цомог маань “Deep, electro house” дуунуудаас бүтсэн. Миний харж байгаагаар надтай нэг жанрын бүтээл туурвиж байгаа олон уран бүтээлчид бий. Гэхдээ яг Монгол үгтэй, Монгол аялгуутай электро жанрын цомог бол гаргаж байгаагүй. - Deep электро хөгжмийн урсгал ер нь юугаараа онцлогтой байдаг юм бол. Бусад бүжгийн аянуудаас? -Илүү хүний дотоод ертөнц рүү чигэлсэн юм болов уу гэж боддог. Ганцаардсан үед хүний хамгийн сайн хань бол мэдээж хөгжим. Тэр ч утгаараа дуу маань гунигийн хэрнээ хэмнэлтэй сонсогдоно шүү. 134eda_f7144f880db1458d97a929038c919534.jpg_srb_p_1143_762_75_22_0.50_1.20_0.00_jpg_srb-DJ нарыг хүмүүс хөгжим зохиодоггүй, цэвэр уран бүтээлч биш гэж үздэг. Олон төрлийн аязыг нэгтгээд л болоо гэсэн ойлголттой хүмүүс нилээдгүй бий шүү дээ? -Би DJ биш л дээ. DJ гэдэг бол хүмүүсийн сонсох дуртай хөгжимд микс хийж илүү гоё болгож хөрвүүлдэг гэж хэлж болно. Дуунуудыг илүү цохилттой хүчтэй болгодог ч гэдэг. Миний хувьд дуунуудаа өөрөө зохиож, үгийг нь өөрөө бичсэн байгаа. Үгийн хувьд илүү содон хэллэгтэй байх болов уу. 2006 оноос хойш нилээд урт хугацаанд бодож хийсэн аянууд маань уг цомогт багтсан байгаа. Ихэнхдээ л орой хөгжим зохиох хүсэл төрдөг шүү. -Уран бүтээлч бүр өөрсдийн мэдрэмжиндээ хөтлөгдөж уран бүтээлээ туурвидаг шүү дээ? -Янз янз л даа. “Хүйтэн харц” гэдэг дуу маань 2006 оноос өнөөг хүртэл нилээд урт хугацаанд бүтсэн. Энэ дууг сонссон хүн бүр надтай адилхан зүйл мэдэрдэг болов уу гэж боддог. Ер нь гунигийн хэрнээ өөртөө хань болгох үүднээс зохиосон. -Тэгвэл та их ганцаарддаг хүн байх нь ээ? Үгүй л дээ. Гэхдээ хүн уурлана, инээнэ, баярлана, гуниглана шүү дээ. Тэр бүгдийгээ уран бүтээлдээ шингээхийг оролддог шүү. С.ЦЭЦЭГ
Дэлгэрэнгүй
“Хөгжилтэй гэр бүл”-ийн амьдрал

“Хөгжилтэй гэр бүл”-ийн амьдрал

Teku Solomon Огноо: 2015-04-09 Сэтгэгдэл
22c9c997fcb6aee736cbe3594e5450d0originalӨнгөрсөн жил "Гурван найз", "Мөрдөгч" хэмээх олон ангит кинонуудыг бүтээн үзэгчиддээ өргөн барьж байсан “Боловсрол суваг” телевиз энэ удаад “Коктейл фильмс”-тэй хамтран “Хөгжилтэй гэр бүл” телевизийн олон ангит киног үзэгч та бүхэндээ хүргэхэд бэлэн болжээ. Уг олон ангит кино өнөөдрөөс Юнивишний видео санд орж, үзэгчдийн хүртээл болох бөгөөд киноны ерөнхий найруулагчаар С.Баттулга /СТА/ ажиллаж, гол дүрд жүжигчин С.Лхагвасүрэн /МУГЖ/, С.Өлзийхүү /СТА/, Д.Энхбаяр /СТА/, Э.Цолмонбаяр /СТА/, А.Өнөржаргал /СТА/, Н.Цэнд-Аюуш /СТА/, Б.Гэрэлчулуун, Ц.Эрдэнэцэцэг, Б.Бадамцэцэг, У.Цасжин, Б.Хүслэн нар тогложээ. Хэзээ ч үл тасрах гэр бүлийн асуудлууд, эгч дүүсийн өрсөлдөөн хийгээд нандин холбоо, эцэг эхийн үрээ гэсэн сэтгэл, хайрандаа чин үнэнч залуугийн туулах хүндхэн сорилтууд гээд бидний эргэн тойронд хөвөрсөөр байдаг үйл явдалууд хэрхэн хөгжилтэй нэгэн гэр бүлийн амьдралд өрнөхийг эл бүтээлээс сонирхох юм байна. Э.ЦЭЦЭГ
Дэлгэрэнгүй