"Болор цом"-ын эзэн, МЗЭ-ийн шагналт, яруу найрагч Шагдарын Лхамноржмаа нь 1976 оны 12 дугаар сарын 18-нд төрсөн. "Ижий улирал", "Цаг мөнхийн хайр", "Гийнгоо" нэртэй бие даасан гурамсан цомгоо гаргасан.. Түүний цомгуудад УГЗ Б.Бямбабаяр, хөгжмийн зохиолч Цэн.Эрдэнэбат, Ш.Өлзийбаяр, Н.Баасандорж нартай хамтран бүтээсэн "Би чамд хайртай", "Цаг мөнхийн хайр", "Даяарын амгалан", "Гийнгоо", "Чиний эзгүйд" зэрэг шилдэг дуунууд нь багтсан байна. Мөн "Орчлон миний явах суух", "Зун шиг амьдарнам", "Аргадах шүлэг", "Аав мод", "Ижий улирал" зэрэг олонд түгсэн шүлгүүд нь яруу найрагчийн өөрийнх нь уншсанаар орсон байна.